Gikan sa Sambanwá Bicol Missalette, 09 Agosto 2020 An istorya kan paglakaw ni Hesus sa ibabaw kan tubig sa evangelio niato ngonian gikan ki San Mateo (14:22-33) minasunod sa istorya gikan ki San Marcos (6:45-52). Parehong nakacentro sa kapahayagan o epiphania na si Cristo Dios huli kan Saiyang makakangangalas na gibo. An original na contribusyon ni Mateo iyo an istorya ni Pedro asin an saiyang mga pag iriba (ako man daw tabi Kagurangnan). Kun sa istorya ni San Marcos, an mga disipulos padagos nagin matagas an mga puso asin dai nagtubod (Marcos 6:52), sa evangelio niato ngonian, nag kaigwa nin conversion si Pedro asin an mga disipulo – nagtubod, nag samba (proskuneo) asin nagpahayag na si Cristo Aki nin Dios. Masasabi niato na an evangelio ngonian, bako lang copy paste ni Mateo hale ki Marcos, kundi talagang sinurat asin inadapt niya para sa saiyang comunidad. Ipinahiling digdi ni San Mateo an inagihan ni Pedro kaiba an mga disipulo na proseso: pagprobar, paglakaw, pagduda, pagkalamos, asin pagkaligtas saiya nin Kagurangnan. Ini an “faith in process”, an proseso o lakaw nin pagtubod ni Pedro (the process or journey of faith). Ini an proseso na bakong instantaneous kundi halawig. It was process from doubt (diztazo, diztazein) to faith (pistis, pisteuien), from being afraid and beginning to sink (katapontizein) to being saved (sozien), from being in the sea (thalassa) to being on the water (hydata). An mga terminong ini sa Griyego nagpapatunay kan original na kamot ni Mateo sa pagsaysay kan milagro. Igwa man nin mga elemento na sinobli sa Lumang Tipan halimbawa baga an paglakaw sa tubig minapagiromdom sa satuya kan exodo kan mga Israelita asin pagbalyo sa dagat na Pula (Ex 14: 13-31); an pagpakalma nin bagyo (Psalmo 107: 23-32) asin an pagsalbar sa pagkalamos arog baga kan istorya ni Profeta Jonas (Jonas 2). Para sa Biblia, an tubig o dagat simbolo nin peligro asin krisis. Kaya masasabi niato na kita ngonian, an Pilipinas, an bilog na kinaban huli sa Covid-19 Pandemic, nasa tahaw nin dagat. An evangelio niato ngonian minadara sato man sa proseso asin lakaw nin pagtubod. Enot, dinadara kita nin Mahal na Dios sa tahaw kan dagat, sa tahaw kan subasco asin mga darakulang alon, harayo (stadia) sa pangpang asin harayo sa satong comfort zones tanganing probaran an satuyang pagtubod asin lealtad/pagkadayupot sa Saiya. Bako daw na dinara kita nin Kagurangnan sa tahaw kaining Covid-19 pandemia tanganing testingon kun hanggang saen an pagtubod ta? Sa termino ni Fr. Joey Gonzaga, Rector kan Holy Rosary Major Seminary, Covid-sea, asin si Ina bilang Star of the Covid-Sea! (Bitoon sa Kadagatan nin Covid). Icadua, sa proseso kan pagtubod, yaon an pagpahayag nin Kagurangnan na Siya Dios sa paagi nin paglakaw sa dagat asin pagpa kusog sa mga disipulong garo nakahiling nin multo (an favoritong kanta gayud ninda sa baroto habang nasa danaw kan Tiberias iyo an Multo sa Paningin!). Sabi nin Kagurangnan: Courage, It is I! Do not be afraid! Ako ini! Dai kamo ma takot! (Seguro an simbag nin Kagurangnan sa Multo sa Paningin, iyo an kantang You'll Never Walk Alone). Dai daw sinasabihan nin Kagurangnan kan mga parehong tataramon habang naglalangkaw pa an mga caso nin Covid sa satong na cion (100,000 and increasing, minsan decreasing huli sa mass healing and recovery of mild and asymptomatic sabi kan DOH!) Ikatolo, kan si Pedro naghahagad nin patunay o ebidensya kun talaga mananggad an Kagurangnan an naglalakaw sa ibabaw kan tubig, nag request man sya na palakawon man sa ibabaw kan tubig (arog-arogan sa Bikol), bako daw ini nagpapagiromdom sa sato kan satong mga presenteng lider asin namamayo kan satong nasyon na naghihingowa na maresolveran an krisis kan pandemia asin ekonomiya? Grabe man an confiansa, arog arogan man, alagad sa katapusan magiging "inutil" man sana? Bako daw na an descripsyon kan Kagurangnan ki Pedro bilang tawong sadit an bitis (man of little feet??), I mean tawong sadit o maluya an pagtubod (man of little faith palan) akma para sa kadaklan sa sainda asin sa satuya man? Sa pagkalamos ni Pedro, bako daw nagpapagiromdom kan paglubog man kan satong nasyon bako lang nin huli kan Covid-19 Pandemic (health crisis) kundi kan paglaog niato sa recession (economic crisis) – negative 16.5 % GDP sa Second Quarter (Abril - Hulyo 2020) poon sana kan pag lockdown, an pinakamababa sa laog nin 30 taon apuera kan dagdag na 9 Trillion debt asin bilyon bilyong pagkalugi kan PhilHealth na nasa hotseat ngonian? Arog ki San Pedro, kita nagkukurahaw, an satong banwaan nagkukurahaw, an satong nacion nagkukurahaw: KAGURANGNAN, LIGTASAN MAN KAMI! Siring man na nacion kan Lebanon huli sa presenteng trahedya nin Pagsabog, nagkukurahaw, Kagurangnan, ligtasan kami! Kita may pagtubod siring ki Pedro na ihahawas man kita nin Kagurangnan sa satong pagkalubog asin pagkalamos. An evangelio nagtatao nin paglaom na dadarhon Niya kita sa pampang nin kaligtasan asin hahaleon sa dagat nin kapahamakan. Siya sana an may kapangyarihan na mapatoninong nin dagat, alon asin bagyo. Mayong makakaarog Saiya dawa na an pinakamakapangyarihan o poderosong lider kan kinaban. May kasabihan ngani na, things have to become worse before they get better, an proseso kan pagtubod, asin an dalan nin conversion kadalasan makahandal, makatakot asin makulog alagad an mga tataramon ni Hesus nag aalingawngaw: KUSOG-BOOT! AKO INI! DAI KAMO MATAKOT! — Rev. Fr. Philip Francis R. Bersabe Parroquia kan Nuestra Señora de Katipanan Nabua, Camarines Sur Giya sa Paghorop-horop Anong mga pangyayari sa sakong buhay na ako nadaog kan takot asin nawaran nin pagsarig sa Dios? Ano an sakong ginibo? Sa sakong buhay, saen ko daw makukua an tunay na kusog nin boot sa pag-atubang sa mga kadificilan kan buhay ngonian? Paano ko ini nasasabi? I-download an Sambanwá para sa Domingong ini. Click here!

Gikan sa Sambanwá Bicol Missalette, 02 Agosto 2020 An liturgia niato ngonian na Domingo minapahayag kan daing sukol na pagkamoot kan Dios sa satuya na saiyang ipinahayag sa paagi kan pagdusay niya kan saiyang sadiri sa Krus siring man sa Eukaristia. Sa aldaw na ini angay lang na kita magpasalamat sa gabos na mga biyaya na naako niato sa kamot nin satuyang Kagurangnan arog baga kan pang aroaldaw niatong pagkakan na padagos na nag susustiner sa sato ngani na kita magpadagos sa satuyang buhay, sa paglingkod saiya asin sa satuyang kapwa. Sa katahawan kan inaagihan niatong pandemya ngonian, napapanahon na gayo na ang ipinahayag sato kan satong Kagurangnan sa Banal Evangelio ang istorya kan milagrong pagpadakul niya nin tinapay asin sira asin sa pagpakakan niya sa rinibo niyang mga disipulos matapos na siya magpahayag kan marhay na bareta nin kaligtasan sainda. Igwang tulong bagay ang mawot ipahayag sato kan Evangelio ngonian na Domingo. Enot, dai malingaw na pirming magpasalamat sa Dios sa mga grasiya na satuyang nakamtan. Bago niya ginibo an saiyang milagro nagpasalamat muna siya sa Ama. Ini sarong pangarogan sato na bago an gabos na gigibohon niato magpasalamat muna kita sa kagtao kan mga balaog na satuyang inako sa saiyang kamot. Dawa na nasa katahawan kita nin pagtios dai kita makalingaw na magpasalamat sa Dios. Ikaduwa, "God provides". An Kagurangnan nagtatao kan mga kinakaipuhan niato. Sa tahaw kan inaagihan niatong pandemya, dai kitang ibang mabibirikan kundi ang Kagurangnan. Pirang beses na kitang naka experiencia nin katikapuhan sa satuyang buhay asin dai nin ibang nag sustenir sato kundi an maheherakon na kamot kan satuyang Dios. Ini minaagyat sato na dai mawaran nin pagsarig saiya dawa na sa pagmati niato kita mayong mayo na, rumdumon niato na paladan kitang mga dukha nin huli ta dai kitang ibang sinasarigan kundi siya sana. An maheherakon na pagkamoot kan Kagurangnan para sa gabos. Kan mahiling niya an rinibong mga tawo na nagsunod saiya asin naghinanyog kan saiyang mga tataramon, naherak siya sainda nin huli ta namati nya na sinda paragal asin gurutom. Dai na niya hiniling an saindang mga kakundian, an saindang estado sa buhay, an sainda mga kasalan, kun mga taga sain sinda, simple lang an saiyang ginibo kan nahiling nya sinda; napano siya nin mamomoton na pagkaherak. Siring kaiyan an satong Kagurangnan, mayong pinapalain, an saiyang pagkaherak, pagkamoot asin gracia para sa gabos. Sa estado niato ngonian an Kagurangnan minahiling man sato nin may mamomoton na pagkaherak. Inaagyat kita na magin siring saiya, magin maheherakon, mamomoton asin mayong pinapalain na kapwa nin huli ta gabos kita magtururugang na dapat magtarabangan. Sabi sa mga Salmo 133:1a "Abang rahay asin ogma na mahiling an magtururugang na nabubuhay nin may pagkasararo". Ikatolo, magin bukas kita sa pagdolot sa Kagurangnan kun ano an igwa kita. Limang tinapay asin duwang sira sana an dara kan mga disipulos, alagad dai ninda ini pinagmaimot kan hagadon ini kan satong Kagurangnan tangani na ipakakan sa rinibo na nagsunod saiya. An satuyang talento, oras asin pagrorogaring dawa kadikit, dawa na sadit, kun ini idusay niato nin buong puso sa Dios ini minadakul, minatalubo asin mas dakul an natatabangan. Minsan kadikit, minsan sadit an satong itinao sa Kagurangnan alagad kun idinusay niato an mga ini nin udok sa satuyang boot ini minabunga asin minabalik sato na mas dakul pa kaysa sa satuyang itinao siring kan mga tadang tinapay na kan pinagtiripon nagin mas dakul pa sa idinulot kan mga disipulos. Magrani kita Kagurangnan, siya an makakapano kan satuyang mga pangangaipo. An saiyang kamot pirming nakabukas sa pagwaras nin mga biyaya. Habo niya na makasuway kita sa saiyang kaibahan kaya maghingowa kita dai maggibo nin mga bagay na makakaraot kan satuyang relasyon sa saiya. Magpasalamat, magsarig sa Kagurangnan asin idulot saiya an mga bagay na igwa kita nin udok sa boot. Sa paaging ini aroaldaw niatong maiekspiryensiyahan an saiyang mga milagro sa satuyang buhay. — Rev. John Robert M. Bañal Parroquia kan San Bartolome Apostol, Baao, Camarines Sur Giya sa Paghorop-horop Anong pangyayari sa sakong buhay na ako nakatabang sa sakong kapwa minsan ngani ako mismo yaon sa kamugtakan nin kadificilan? Ano an sakong namatean? Kun minsan ginigibo kong dahelan an sakong kamugtakan nin pangangaipo tanganing dai ako magtabang sa kapwa. Paano ko daw mahahale an siring kaining kaisipan? Ano an puede kong gibohon? I-download an Sambanwá para sa Domingong ini. Click here!

Gikan sa Sambanwá Bicol Missalette, 19 Julio 2020 Sa pagtatanom, an enot niatong piglalaoman iyo na magdakula, magburak o kaya magbunga an tinanom. Alagad nag ngangalas kita kun tano ta may nagtatambong doot maski ngani dai man niato ini itinanom. An realidad na ini siring man sa satong buhay. Si Jesus nagpatanid sato na igwang matubong doot sa buhay niato. Sinabihan niya an saiyang mga disipulos na sa kinaban na ini, an karahayan minsan boot daogon kan karatan. May mga mitambong doot nin karigsokan, doot nin pagdadaya, paglilibak, paggagadan, pagkaongis, kapasloan asin kadakul pang iba. An mga ini linalang bako nin Dios kundi consequencia kan salang pagmawot kan demonio na darahon an tawo parayo sa Dios. Kamawotan ni Hesus na magtalubo an marahay niyang itinanom sa satuyang buhay. Kun kaya sinasabihan niya kita na magin kitang lebadura sa satong kumunidad. Igwang mga kaiwal na minasabwag nin doot tanganing raoton an maray na kamawotan nin Dios. Siring sa kaiwal sa ebanghelyo, na nagsabwag nin mga maraot na doot sa tatamnan kan paraoma. Tanganing olangon an pagdakula kan marhay na tinanom. Mahapot kita, kun an Dios tunay na makapangyarihan ano ta dai nya tolos garaboton an mga doot sa buhay nin tawo. Ano ta nagdadanay pa man guiraray sinda sa saindang maraot na gawe? Kun minsan igwa nin mga tawong nakakaibahan kita na habo niatong akoon – asin an enot niatong binabasol an mahal na Dios- siya an may gibo kaini kun siring siya an may sala. Minsan an tawo na saiyang nilalang iyo an natalikod kan saiyang kabotan asin pinapaorog an karatan. An Ebanghelyo nagsabi “dai nindo paggaboton ta baka makadamay an mga trigo” igwa nin panahon kaiyan asin an Ama sana iyo an may poder na maggibo kaiyan. Mayo ni siisay man satuya an makapagsabi na siya maninigong gaboton. Sa panahon kan mga Judeo – madalion kundenaron an sarong parakasala. An paghusga direcho kan tawo. Alagad para ki Hesus, mayo kitang derecho na maggabot kan mga ini. Enot, baka mapasala kita sa (pag-gabot) paghusga. Minsan – sa satuyang relasyon sa harong - pinapalayas tolos niato. Sa relasyon niato, tolos niatong ginagabot an iba sa pagtsitsismis o pangratak nin pangaran. Sarong magayon na halimbawa an Death Penalty – dai man kaipuhan na kita an magkastigo nin kagadanan sa kinaban ta dakul an nasasala maski mga beteranong hukom. imposible maibalik an buhay sa tawong mayo man nin sala. Kun sa doot totoo madali niatong maaraman kun arin talaga – alagad sa tawo an karatan difisil mapatunayan. Asin kun iyan mangyayari – kabanga kan satuyang buhay dapat kinondenar na nin huli ta an lambang saro kabanga kan karahyan asin kararatan. Panduwa, Kun an doot dai na pwedeng magin trigo, an tawong maraot pwede pa man na magin marahay – kaya kaipuhan tawanan niato nin panahon ta baka siya magbakli pa man ka saiyang pagkabuhay. An satong Dios, Dios nin ika duwang pagkakataon. Second Chance. Kaipuhan niato nin pasensya asin pagsabot kaya dai kita mag kundena tolos. Asin an pantolo, embes na hilingon ta an doot sa iba, hilingon ta kun paano niato papataluboon an banhi na itinanom sa satuya. Igwa nin sarong parasurat na nagsabi: Minsan ambisyoso kitang bagohon an kinaban, alagad dai niato kaya. Ambisyoso kitang bagohon an satong nasyon alagad difisil ini kun bakong imposible. Kamawotan ta gabos na pakarhayon an satong kumunidad, magayon iyan alagad imposible man kun dai mapoon sa satong sadiri an pagbabago. “The best way to minimize the evil in this world is to maximize our good deeds” Mayong mangyayari sa sato kun pirmi na lang kitang manghuhusga. An huring linya nagtatao satong nin sarong bagay na dapat niatong paghorop-horopan. An Dios an mahukom satuya, siya sana an maghuhusga satuya. Atubangon niato ini bako nin may may pagkatakot – na magiging marhay kita nin huli ta takot kita kundi, magibo ita nin marhay nin huli ta namomoot kita. — Rev. Fr. Luisito A. Occiano Cura Parroco, Parroquia kan San Bartolome Apostol Direktor, Caceres Commission on Communications Giya sa Paghorop-horop Anong pangyayari sa sakong buhay na ako nasakitan na magin mapaciencia? Ano an sakong ginibo tanganing dai mawaran nin pagsarig sa Dios? Anong pangyayari sa sakong buhay na ako nag-ogma huli ta an sakong kapwa nagin mapaciencia sako asin nagdolot nin kadagdagan na panahon para sa sakong mga pangangaipo? I-download an Sambanwá para sa Domingong ini. Click here!

NAGA CITY – Two seminarians of the Archdiocese of Caceres were ordained Deacons on Saturday, 4 July 2020, by Most Rev. Rolando J. Tria Tirona, OCD, DD, Archbishop of Caceres, at the Minor Basilica of Our Lady of Peñafrancia. Observing social distancing and other health protocols, the vast Basilica was filled only with a few close relative and family members of the two Deacons, Rev. John Robert Mendoza Bañal of the St. Paschal Baylon Parish, Tinambac, Camarines Sur; and Rev. Angel Lorenzo Sapinoso Dorosan of the St. Dominic of Guzman Parish, Nabua, Camarines Sur. Members of the Caceres Clergy, and a few seminarians were also present to witness the rites. Servants of God for the Church, especially for the poor. In his Homily, the Archbishop reminded the newly-ordained Deacons of their mission as servants, not only in their Diaconate, but also in their forthcoming Priesthood, saying, “As Deacons you are servants, and you are trained to be servants so you will become faithful and good servants as priests – servants of Jesus, servants of the Church.” The Prelate also exhorted the two deacons to embrace with delight their being servants, and not bosses, reminding them that “among the many titles of Jesus – Messiah, Lord, King – the one with which he effected our salvation is [that] he became a suffering servant. So always imprint in your heart – now and God-willing as Priests – that you are servants of God for the Church, especially for the poor.” Pastoral exposure Immediately following their ordinations, the deacons were assigned to assist in two parishes in the Archdiocese. Rev. Bañal was assigned to the St. Bartholomew the Apostle Parish, Baao, Camarines Sur, while Rev. Dorosan was assigned to the Our Lady of La Porteria Parish, Calabanga, Camarines Sur. These pastoral exposures are made in order to afford the two deacons to acquaint themselves with parochial ministry in preparation for their ordination to the Priesthood, and future pastoral life. Published on Caceres Inbox, Bicol Mail, 9 July 2020.

Gikan sa Sambanwá Bicol Missalette, 05 Julio 2020 An Dios dai minaontok na nagwawaras nin mga biyaya sa satuya aroaldaw. Daing patod an saiyang pagsabwag nin balaog sa gabos na tawo. Minsan minahapot kita: pano naghihiro an biyaya nin Dios sa buhay ta? An evangelio minatao sato kan hiro-hiro kan pagsabwag nin balaog sa satong buhay siring sa banhi. An biyaya garo banhi na marhay. Mayong balaog na hale sa Dios na maraot o nakakaraot, pirme sana ining marhay. Mabugasi asin pano-pano nin ikakarahay niato. Dai minatao an Dios nin biyaya na kita maparaot, na kita maldisyonon o ratakon an satong buhay. Ini gabos para sa satong karahayan, pagbabago asin kaogmahan. An balaog nin Dios tinatao sa gabos na tawo, marhay asin sa mga maraot. Hilnga an evangelio an banhi na marhay nahulog sa manlean-laen na klase nin daga. Mayong pinipili. Sinasadol kita na an pagkamoot kan Dios para sa kagabsan tanganing darhon kita sa dalan nin katanosan asin kaogmahan. Kaya an agyat kan evangelio iyo na mayo sa Dios an pagkukulang nin huli ta tagob-tagob nin karahayan an saiyang pagmangno. Yaon sato an pagkukulang ta an pagsabwag niya kan balaog naka ugat sa klase nin satong pag-ako asin pag simbag. Siring sa banhi, minabuswak asin minabunga ini por medyo kan klase nin pagako. Minatalubo ini nin huli sa klase nin pagsimbag niato sa saiyang pagapod asin pagtao. Kun siring, an balaog minatalubo depende sa pgaako kaini sa satong buhay. Sa marhay na daga, sa mahuyo na puso asin bulanos nin pagako minabunga asin minatalubo an biayaya nin Dios sa sato. Magayon na paghorophoropan na dawa ngani sa marhay na daga iba-iba man giraray an bunga. Ini gabos nakapatugmad sa klase kan satuyang pagako kan balaog na danay na winawaras kan Dios sa sato. Totoo nanggad an Dios daing sawa na nagtatao nin balaog sa gabos. Ini minabunga asin minatalubo depende sa klase kan satong pagako asin pagsimbag. — Reb. P. Glenn C. Ruiz Cura Parroco, Parroquia kan San Antonio de Padua Direktor, Comision nin Liturgia Giya sa Paghorop-horop: Pano mo namamate asin inaako an mga winawaras na biyaya nin Dios sa aroaldaw mong pagkabuhay? Pano mo iheniras ang mga bunga kan balaog nin Dios sa saimong kapwa asin sa sociodad? I-download an Sambanwá para sa Domingong ini. Click here!

Gikan sa Sambanwá Bicol Missalette, 05 Julio 2020 Sinasabing an stress iyo an “kondisyon o pagmate na inaagihan kun an paghiling ta na an hinahagad kan sitwasyon labi pa sa kun ano an satuyang mga kakayahan.” Asin sabi ni Dr. Shawna Freshwater, “nag-aagi nin stress kun nasasakitan na maray sa pag-atubang sa mga problema sa buhay na konektado sa kuwarta, salud, trabaho, mga relacion, kapalibotan asin iba pang mga sitwasyon.” Kadaklan na beses ginagamit an tataramon na stress pag nahahadit, nahahandal, natatakot, pignenerbiyos o nagsasaradit o nariribongan kun ano na an gigibohon nin huli sa kadakulaan kan mga inaatubang sa buhay. Flight or fight. Dulagan o labanan: Ini an duwang pilian sa pagsimbag sa inaapod na stress. An mga babasahon ngonian nagpapakusog kan satong mga boot na atubangon an mga manlaen-laen na sitwasyon sa buhay. An propesiya ni Zacarias sa enot na babasahon nagsasabi na maabot sato an tagapagligtas dara an katoninongan. Sa ikaduwang babasahon ipinapagiromdom na nag-eerok sato an Espiritu na nagtatao kan kabagsikan na “atubangon an mga aroaldaw na mga kagabatan asin kuyugon an kabotan kan Kagurangnan.” Asin sa evangelio inaalok kita ni Cristo na makisumaro saiya sa pagdara kan sakal. An sakal nagrerepresentar kan mga kondisyon sa buhay na inaatubang ta. Sabi ni Jesus, “masayon an sakong sakal” (Mateo 11:30). Angay o eksakto o tamang-tama an pakasukol an boot sabihon kan tataramon na masayon o facil. Boot sabihon ni Jesus sa sato na mayo siyang itinataong mga kagabatan o obligasyon na dai susog sa satong kakayahan. Si Jesus, na sarong karpintero, nag-aaram kan mga sakal na maray. Tama an pakasukol kan sakal na ipinapadara niya tangani dai malugadan an gagamitan kaini. Akoon ta an satong mga sakal o dahilan kan satong mga stress. Dai dapat ini makasakal sato. Dai maiiwasan an mga sitwasyon na may dara nin stress sa sato. Sabi ni Fr. Roger Champoux, “magkaigwa kita nin positibong paghiling sa stress. Atubangon ta ini asin mabunga ini nin kusog boot asin kaogmahan sa sato.” Pag dai kita tatao magdara kan stress, ini an madara sa sato pasiring sa mga mga helang, kulog hawak, kaanggotan, hinanakit problema sa pagturog, kamunduan,…. An mga minasunod iyo an mga konkretong aksyon sa pag-atubang sa mga manlaen-laen na sitwasyon sa satong buhay. Enot, an paghagad kan kusog kan Diyos. Magpamibi. Sa pagsimba, an pinakahalangkaw na gawe nin pagpamibi, naliliwanagan kita sa paagi kan tataramon kan Dios asin nababasog kita kan Tinapay nin Buhay. Nakakamate kita nin katoninongan sa misa. Ikaduwa, pag-ataman kan sadiri tanganing magin andam sa pagpadagos kan buhay. Maghingowa na magkaigwa nin tamang turog, pagkakan asin ehersisyo. Marahay na magpoon o magpadagos kan mga hobbies, arog kan pag-ataman mga hayop, gardening, listening to music, cooking, woodworking, cross stitching, painting, reading novels, writing…. Nakadagdag sa stress an sobrang paggamit nin mga gadgets asin pagdalan television. Asin, ikatolo, an pagpadangat kan kapwa. An pagkakaigwa nin maray na relacion sa iba asin pagtiripon tangani na mag-ogma, magdinamayan asin magpakusog sa lambang saro kun pano inaatubang an buhay. Sa buhay, satong tutukan bako an “kagabatan kundi an kahulugan.” — Rev. Fr. Gerome N. Pelagio Diector, Office for Mission and Evanegelizations Giya sa Paghorop-horop: Sa sakong pagkabuhay, ano an mga nakaka-ulang tanganing ako magin siring sa sadit na aki na nagsasarig sa Dios? Anong pangyayari sa sakong buhay na kun saen namatean ko an katoninongan kan Kagurangnan? Ano an sakong ginibo? I-download an Sambanwá para sa Domingong ini. Click here!

Gikan sa Sambanwá Bicol Missalette, 28 Junio 2020 Iba-iba an pagpapahalaga kan tawo. Lambang tawo igwa nin kanya - kanyang “hierarchy of values”. Minadepende an values na ini sa mga pangangaipuhan. Ini an sabi kan psychologist na si Abraham Maslow. Enot an “physiological needs” arog baga kan kakanon, tubig, estaran, bulong kaya naghahalat baga kita kan bakuna laban sa corona virus asin nagsusunod kan quarantine and sanitation para makaiwas sa peligro. Pangaduwa, an “safety needs” arog baga kan seguridad asin kaligtasan kaya minaprotesta kita laban sa Anti-Terrorism Bill. Pangatolo, an “belongingness and love needs” arog baga kan relasyon sa laog kan familia asin mga barkada. Pang-apat an “esteem needs” arog baga kan mga achievements o napundar sa buhay. Asin an panghuri, iyo an “self-actualization needs” kun saen iyo an pinakahalangkaw na progreso kan sadiri asin mga kakayahan (full human potentials). Kun hihilingon sa buhay pagiging disipulo ni Kristo - ining hierarchy of values and needs, tama, alagad bakong suficiente. Tama sinda pero kulang. Para sa sarong disipulo ni Cristo, an pagpapahalaga minadepende sa pangangaipuhan sa Dios sa buhay kan sarong paratubod. God becomes the highest need because He is precisely the Absolute Value. An pagpapahalaga sa espiritual iyo an pinakahalangkaw asin minakumpleto sa teoria ni Maslow. Iyo ini an inaapod kan evangelio na “the need for the cross”. Sabi sa Evangelio ni San Mateo, “an dai magpasan kan saiyang krus asin magsunod sako, dai magkakanigo Sako.” An pagpapahalaga sa Dios asin sa krus mas halangkaw pa sa pagpapahalaga sa relasyon sa laog kan familia, sa ama, sa ina, sa agom, sa mga aki asin mga barkada; mas mahalaga pa ngani ini sa sadiring buhay asin seguridad: “an magpaseguro kan saiyang buhay mawawaran kaiyan, alagad an mawaran nin buhay para Sako, para ki Kristo, makakanumpong o magkakaigwa.” An pagpapahalaga sa Dios iyo an nagtataong kahulugan asin tunay na kaogmahan sa buhay kan sarong disipulo. An tunay na halaga kan sarong tawo o bagay yaon sa Kagtao. The true value of creatures lies on the Creator. God takes precedence over human persons and things. An kahapotan para sa paghorop horop niato iyo: ano an pinakamahalagang “value” saimo bilang disipulo ni kristo sa panahon nin pandemia, aanti-terrorism bill, asin racismo? An mahal na dios, an saiyang krus o an saimong buhay, kaogmahan asin seguridad? An pangaduwang punto nin paghorophorop gikan sa Evangelio iyo an concepto kan balos o reward. An sarong disipulo ni Kristo minasunod kan kabotan ni Kristo o minagibo nin karahayan alagad dai minahalat nin balos o karibay. Para saiya, maogma na siyang makatabang. Sabi ngani sa kasabihan sa Ingles: “the joy and reward of giving is in the giving itsnelf.” Dawa ngani mayo an paghalat o pag expect kan balos, an evangelio minataong panuga o asegurasyon na dawa sarong baso nin tubig an itao ta sa kiisay man na kasaraditan, iyan dai mawawaran nin balos; an siisay man na minaako sa profeta, magkakaigwa nin balos hale sa profeta; an siisay man na minaako sa sarong matanos na tawo, minaako nin balos hale sa matanos na tawo. Mas lalo na an minaako sa mga parasunod ni Kristo, huli ta an minaako sainda, minaako ki Kristo mismo, asin an minaako ki Kristo, minaako sa Dios. Sa liwat mahihiling niato na an Dios bako sanang iyo an absolute need, an absolute value kundi Siya man an absolute reward o balos. Sa gabos na mga karahayan, an tunay na balos iyo an Mahal na Dios, asin para sa mga naginibohan nin karahayan, an tamang tugon o simbag iyo an magayonon na Bikolanong expresyon nin pagpasalamat: Dios mabalos po! Boot sabihon an Dios an magbalos, an magbayad kan saimong karahayan (May God reward or repay you!). Kita sana an igwa kaining mga Bikolano na magayonon na exspression nin gratitud. Kaya an pagpapahalaga (values and valuing) asin balos (reward) magkakonektado susog sa Evangelio niato ngonian kaya an pangaduwang hapot nin paghorop horop: anong balos an hinahalat mo bilang disipulo ni Cristo: an balos nin mahal na Dios o an balos nin tawo? — Rev. Fr. Philip Francis R. Bersabe Kura Paroko, Parokya ni Nuestra Señora de Katipanan Paloyon, Nabua, Camarines Sur Giya sa Paghorop-horop para sa mga Saradit na Kristianong Komunidad (SKK) Ano an pinakamahalagang “value” saimo bilang disipulo ni kristo sa panahon nin pandemia, aanti-terrorism bill, asin racism? Anong balos an hinahalat mo bilang disipulo ni Kristo: an balos nin mahal na Dios o an balos nin tawo? Para i-download an Sambanwá Bicol Missalette para sa Domingong ini: http://tiny.cc/sambanwa062820

The logo contains five symbols: the cross, the people, the Image of Ina, Mt. Isarog, and the logo for the Year of Ecumenism, Interreligious Dialogue, and Indigenous Peoples. All five components remind us of a historical and contemporary expression of unity among people of different religions, and of indigenous peoples, under the mantle and intercession of our Ina, Our Lady of Peñafrancia. The cross signifies the light of Christ that transcends religions and denominations. Christ himself, who is present within us, is the source of unity, and is the focal point of attaining Ecumenism through constant dialogue and cooperation. The people, represented by an Indian Sikh, a plain-clothed Christian, a Roman Catholic Priest, an Indigenous Person, and a Muslim woman, expresses the mission of the Year of Ecumenism, Inter-religious Dialogue, and Indigenous Peoples: to attain harmony. The Priest is seen standing in the middle, as a symbol that we, as Catholics, must be the initiators of dialogue with others in the pursuit of harmony. The image of Our Lady of Peñafrancia symbolizes the maternal protection and guidance of the Blessed Mother in our pursuit of attaining unity through dialogue. Like her instructions to the servants at Cana to do whatever Jesus tells them, (cf. Jn 2:5) we as well follow His command for us to love one another as He did, through expressing the same openness and willingness to engage in fruitful dialogue with those of other beliefs, as Jesus did. As our Ina or mother, she serves as our inspiration and source of strength as she keeps us, and the people in the logo, under her manto of love, protection, unity, and harmony. Mt. Isarog serves as the backdrop of all other symbols present in the logo. It gives emphasis to the origins of the devotion to the Virgin of Peñafrancia, wherein the first capilla and image in her honor was built for the benefit of the cimmarrones who were living in the aforementioned mountain. The same indigenous peoples were later converted into Christianity, thus marking one of the first miracles of Ina in Nueva Caceres (Naga). This emphasizes Ina as the source of unity and harmony among people of different religions and beliefs from then until now, and will continue to be as such for generations to come. Finally, embracing and binding the above-mentioned symbols together is the logo for the 2020 Year of Ecumenism, Interreligious Dialogue, and Indigenous Peoples. The logo signifies dialogue, as the two objects of the logo face each other forming a heart, which signifies human fraternity and respect for each other. (cf. CBCP) The embracing gesture of the logo towards the other symbols that are placed within the it express the theme of the Peñafrancia Festivities: Fostering Dialogue and Harmony in the Spirit of Mary's Gentleness and Humility. Download the Peñafrancia 2020 Official Logo here.

Gikan sa Sambanwá Bicol Missalette, 21 Junio 2020 Takot! Ini an nangungurog na pagmate sa presenteng panahon. Dahil sa huma ka Covid-19 na pigsasarumsom an bilog na parte kan satuyang buhay, dahil sa crisis sa economia, mga leyes arog kan anti-terror bill na nagtatanyog kan nacion, asin mga personal na problema na satong sinasapo ngonian. Totoo nangad, may takot kita. Sa tahaw kaining katakotan, sinasadol kita kan daing patod na pagmangno kan Dios. Sabi sa evangelio: “Dai matakot! Dai kamo matakot ta mas mahalaga kamo kesa sa dignos”. Ini an dayaday na pag-antabay nin Dios sa ano man na sitwasyon kan satong buhay. Dai matakot na atubangon an panahon. An Dios tunay nanggad na uya sato, nagmamangno para sa gabos. An pagmangno nin Kagurangnan namamate sa anoman na sitwasyon nin buhay; nagwawaras nin kusog sa kaluyahan, dalan sa mga nawawara, liwanag sa mga nasa kadikloman, ranga sa mga nagtatangis, asin biyaya sa mga nangangaipo. Dai matakot, ta an Dios uya sa sato, sa gabos na hiro-hiro kan satong buhay. Pagmangno nin Dios na minadara sato sa karahayan. Dawa ano an satong sinasapo sa buhay, an pagantabay nin Dios pirmeng ikakarahay niato. Sa tahaw nin kadificilan, kita tinatawan kusog; paglaom kun kita nawawaraan nin pag-asa; asin sa mga situasyon na dai niato marirop an kahulugan kita dinadara sa karahayan. Dai matakot ta mas mahalaga an karahayan niato sa mata nin satong Ama. Dai matakot! An pagmangno nin Dios danay na nag-eerok sato, asin dalisay na nagwawaras nin balaog para sa ikakarahay niato gabos. — Rev. Fr. Glenn C. Ruiz Direktor, Komisyon sa Liturhiya Kura Paroko, Parokya ni San Antonio de Padua, Camaligan, Camarines Sur Giya sa Paghorop-horop para sa mga Saradit na Kristianong Komunidad (SKK) Sa tahaw nin katakotan sa buhay, pano mo pinapaheling an pagsarig sa Ama? Pano ka nagiging instrumento sa kapwa na sinda magsarig sa providencia nin Dios? Para i-download an Sambanwá Bicol Missalette para sa Domingong ini: http://tiny.cc/sambanwa062120

ARCHDIOCESE OF CACERES OFFICE OF THE ARCHBISHOP Archbishop’s Residence Naga City CIRCULAR Number 0015 Series of 2020 TO: ALL THE PRIESTS AND FAITHFUL IN THE ARCHDIOCESE OF CACERES RE: PASTORAL GUIDELINES IN THE ARCHDIOCESE OF CACERES IN VIEW OF THE MINIMUM HEALTH STANDARDS ON COVID-19 The Archdiocese of Caceres continues its efforts to help combat COVID-19 in the country. Consistent with this aim and in view of recent developments, the Archdiocese shall observe the Minimum Health Standards in the exercise of ministry to help prevent the spread of the virus in our communities. While we advocate social distancing, sanitation and monitoring as important measures to stop transmission in this new normal situation, the exercise of our Faith must remain vibrant as it is essential in the integral well-being of our people. Hence, the Archdiocese of Caceres, upon consultation with the clergy, provides these guidelines so the clergy, the faithful, and partners of the Archdiocese of Caceres may significantly participate in the social solution against the pandemic and in works of faith and evangelization. GENERAL GUIDELINES: In public gatherings, the faithful are required to wear face masks, observe social distancing and practice regular hand sanitation. Pastors must study the layout of the parish Church and chapels to facilitate the implementation of the following: 1. Designate entrance and exit doors to avoid crowding. Churchgoers are subject to temperature checks prior to entering the church. Footbath shall be installed at the entrance doors. Hand sanitizers or alcohol dispensers shall be made available at strategic entry points. 2. Seat plan of two meters apart. Pews can be marked for proper guidance of churchgoers. 3. Regular sanitation of Churches and chapels, including the furniture, equipment and materials used in celebrations (microphone, vessels, pews and chairs). 4. Designate ushers or usherettes to facilitate the movements of people inside the Church. Parishes are asked to proactively respond to our current situation by: 1. Maintaining close coordination with the local government units and health workers. Assess the necessity of designating a specific area or setting up tent where medical emergencies can be given attention. Emergency contact numbers should be displayed conspicuously in the parish office. Implement such other practical means necessary to ensure safe communal activities inside the Church. 2. Reaching out to all parishioners by maximizing the use of digital media such as livestream, community radio, public sound system. 3. Strengthening communal efforts initiated in families and small Christian communities. Families are encouraged to pray together before their altars at home. Parents can initiate the reading of the Gospel with their children. Seniors with health issues who are asked to stay home, may attend Mass through media and share to their families their reflections about the Gospel. A. CELEBRATION OF THE HOLY MASS 1. PUBLIC MASSES may be celebrated subject to the current health situation of the community. But in all cases, the guidelines of social distancing, sanitation and monitoring must be observed. 2. Churches must accommodate only such number of churchgoers where churchgoers will be seated two (2) meters apart. 3. The Church grounds can be used to accommodate the faithful if weather permits. 4. In parish churches where space is very limited, the use of church grounds and open space is recommended. 5. Pastors may hold additional Masses to accommodate parishioners and avoid crowding per Mass. 6. The duration of the celebration may be shortened to lessen the exposure of the minister and the faithful. 7. Concelebration of priests may be allowed at the sanctuary with limited number and social distancing. 8. Servers and extraordinary ministers must also observe social distancing. Their number must be limited only for essential services during the mass. 9. Holding hands when praying the Lord’s Prayer and when giving the sign of peace during the Mass are discouraged. 10. During communion, ministers must use face mask and gloves in distribution. Sanitation of hand before distribution is necessary. 11. Communion by the hand must be observed at all celebrations. 12. Communion by rows is highly encouraged. 13. Vessels and linens may be placed at the credence table near the altar in order to limit the movements and numbers of servers. 14. For offerings, physical contact should be avoided. To do this, churches may place collection boxes, use collections bags with stick or encourage electronic transfers for donations. 15. Veneration of sacred objects and images by kissing or touching is strictly prohibited. a. Funeral Masses The faithful during funeral masses should also observe social distancing and wearing of mask. The use of pall (white cloth) during the funeral mass shall be excluded in the rites. b. Celebration of Marriage Marriage celebration shall observe social distancing, limited by the church’s seating capacity and such number as advised by the local government. c. Fiesta Masses and Other Celebrations of Holy Mass 1. Fiesta Masses must be celebrated observing social distancing and wearing of mask. 2. The parish shall coordinate with the LGU or Barangay for proper implementation. 3. Baptism by cluster may also be administered provided the Church or chapel can accommodate them while observing social distancing and limited to two sponsors only per child. The parents shall be reminded of their primary responsibility to ensure the safety of the child during baptism. B. BAPTISM 1. Individual baptism is highly encouraged with only the parents and two sponsors present. 2. Baptism by cluster may also be administered provided the Church or chapel can accommodate them while observing social distancing and limited to two sponsors only per child. The parents shall be reminded of their primary responsibility to ensure the safety of the child during baptism. 3. The signing of the cross on the forehead during baptism must be limited to the cleric and the parents. 4. In the anointing of chrism, cotton balls should be used once for each candidate for baptism. Burn used cotton balls at a suitable time. C. CONFIRMATION 1. Regular Wednesday Mass Confirmation at the Archbishop’s residence is temporarily suspended until further notice. Individual Confirmation may be accommodated from Monday to Saturday. 2. Parish Priests are hereby delegated to administer the Sacrament of Confirmation for wedding purposes only, scheduled until December 2020 within the Archdiocese. This special delegation is valid until December 31, 2020 or unless earlier revoked by the Archbishop. 3. Confirmation may be administered in the place of marriage or in their parish domicile or quasi-domicile. D. ANOINTING OF THE SICK 1. Appropriate measures like wearing of mask, gloves, and the necessary preparation must be observed. 2. Pastors must use the proper personal protective equipment in case of Covid-19 patients. Coordinate with health workers in this matter for special preparations and after-visit protocols. E. CONFESSION 1. Confessions are to be done in the confessionals with a protective plastic installed at the grill. Wearing of masks is required. 2. If individual confession is not possible, general absolution may be given. F. DEVOTIONAL PRACTICES 1. Public devotional practices are temporarily suspended. Devotional practices to be celebrated at home are highly encouraged. G. OFFICES 1. Office personnel should wear masks and observe proper sanitation and distancing. H. OTHERS 1. A votive Mass for the intention of the eradication of pandemic may be celebrated in parishes during weekdays following the rites proposed by Pope Francis. I. PRAYER As a Church, we recognize our need to express our faith and strengthen our spiritual well-being in the midst of the pandemic. May these guidelines lead us as one community in responding to this enormous challenge of our times. We continue to entrust our community to the Divino Rostro, the expression of the mercy of God, and through the loving intercession of our Ina, Nuestra Señora de Peñafrancia. Given at the Chancery, Pilgrim City of Naga, Republic of the Philippines, this 27th of May in the Year of our Lord, 2020. (SGD.) + ROLANDO J. TRIA TIRONA, O.C.D., D.D. Archbishop of Caceres

Gikan sa Sambanwá Bicol Missalette, 7 Junio 2020 Ngonian satong pinagseselebrar an Solemnidad kan Santisima Trinidad – an sentro kan Kristianong pagtubod. Ini an nagsasaro satuya bilang simbahan, alagad an mamundo, sa pagpaliwanag asin pag adal kaini, dakul man an nasuhay asin nagin kawsa kan pagkasuhay sa satong simbahan. Totoo ini satong Doktrina na dapat maaraman nin gabos, alagad bako ining garo problema sa Math na dapat matawan nin solusyon asin kasimbagan. An Santissima Trinidad sarong katukdoan na dapat maisabuhay niato. An tolong persona kan sarong pagkaDios, pantay sa pagkaDios alagad may pagkakaiba sa persona. Sa katunayan, an tataramon na Trinity (Trinidad) dai man nasambitan sa ebanghelyo. Alagad an mga enot na kristiano nagtukdo kan katotoohan kan doktrinang ini base sa ipinahayag sa Banal na Kasuratan. Itinukdo mismo ni Hesus an dapit sa saiyang Ama na nagsugo saiya asin dapit sa Espiritu Santo na saiyang ipapadara. Sinabi niya pa na itinao kan Ama an gabos saiya (Aki) asin siring man itinao niya an Espiritu Santo. Digdi niato mahihiling an pagkasararo kan katuyuhan sa pagkakaiba kan persona kan Santissima Trinidad. Masakit masabotan, alagad pasil isabuhay. Asin kun ini mangyari, ini magtatao sato nin kagianan asin kaogmahan. Enot an pangangaipo nin Pagkakasararo. Bilang tawo, dai kita mabubuhay na suhay sa lambang saro. Lalong lalo na sa tahaw nin kadifisilan asin kasakitan, igwa kitang kanya-kanyang pangangaipo, alagad igwa man kitang kanya kanyang biyaya. Kun magtatarabangan kita, dakul an satong mahahaman. Siring sa pagkasarararo kan Santissima Trinidad, kagianan an mamatean sa pamilya o kumunidad na nagkakasararo asin nagtatabangan. Pangduwa, an Pagsimbag sa Katongdan. May kanya kanya kitang papel sa buhay. Dai niato dapat pagdulagan an obligasyon asin i-asa an satong responsabilidad sa iba. Kaya ngani tinawan kita nin kanya-kanyang regalo o abilidad tanganing ini satong magamit para sa paghaman kan satong misyon. An Santissima Trinidad, nagtutukdo sato kun pano mahaman an satong responsabilidad na may pagkamoot. Kun an gabos niatong trabaho may pagkamoot, ini bakong pasakit kundi magayon na atang pabalik sa Dios. Pantolo, an pagpamibi sa Santissima Trinidad. Gabos kita nagpoon sa buhay sa paagi kan bunyag sa ngaran kan Ama, Aki asin Espiritu Santo. Asin sa pagtapos kan satong buhay kita bebendisyonan sa ngaran kan Santissima Trinidad. An buhay niato nagpoon asin matatapos sa Ama, Aki asin Espiritu Santo. Sa paagi nin pagpapangadie, magayon lamang na sa tahaw kaini, danay niatong pinapagiromdom niato an satong sadiri na igwa kitang Dios na nag aantabay satong. Lugod, sa aldaw na ini, mapano kita kan bendisyon kan Dios – tawan kita kan tunay na pagkasararo sa kumunidad na naglilingkod asin nagpapamibi. — Rev. Fr. Luisito A. Occiano Direktor, Caceres Commission on Communications Kura Paroko, Parokya nin San Bartolome, Apostol Giya sa Paghorop-horop para sa mga Saradit na Kristianong Komunidad (SKK) Sa anong pangyayari sa buhay ko namamatean ko an Santisima Trinidad? Pano maisabuhay an pagpanguros, Ama, Aki asin Espiritu Santo? Ano pa an kaipuhan kong pataluboon sa sakong relasyon sa sakong kapwa asin sa Dios? Para i-download an Sambanwá Bicol Missalette para sa Domingong ini: https://tinyurl.com/sambanwa0607

Gikan sa Sambanwá Bicol Missalette, 14 Junio 2020 Kun an Eukaristiya iyo an burabod asin alituktok kan buhay nin sarong Kristyano (Vat. II), tano ta kakadikit sana an nagsisimba kun Domingo? Ini sarong seryosong problema para sa simbahan. Sa Libro nin Deuteronomio, ipinapasabot sa satuya an pangangaipo kan mga Israelita sa kakanon. Kun kaya an Dyos tinawan sinda kan “Manna”, an tinapay na gikan sa langit. Sa pangangaipong ini, mas masasabutan nyato an kahalagahan kan Eukaristiya. Sa mata kan mga Israelita na nagbaklay sa disyerto nin haloy tanganing maabot ninda an dagang ipangako, nangongorog an saindang pangangaipo sa kakanon na mapadanayKun an Eukaristiya iyo an burabod asin alituktok kan buhay nin sarong Kristyano (Vat. II), tano ta kakadikit sana an nagsisimba kun Domingo? Ini sarong seryosong problema para sa simbahan. Sa Libro nin Deuteronomio, ipinapasabot sa satuya an pangangaipo kan mga Israelita sa kakanon. Kun kaya an Dyos tinawan sinda kan “Manna”, an tinapay na gikan sa langit. Sa pangangaipong ini, mas masasabutan nyato an kahalagahan kan Eukaristiya. Sa mata kan mga Israelita na nagbaklay sa disyerto nin haloy tanganing maabot ninda an dagang ipangako, nangongorog an saindang pangangaipo sa kakanon na mapadanay sa sainda. Malinaw an saindang kamawotan. Mawot ninda an kapanuan kan buhay na sinisimbolo kan dagang ipinangako. Alagad, sa tahaw kan saindang kamawotan, asin pinaghalean, yaon an mainit asin makuring disyerto. Sa katahawan iyo an sarong masakit na pagbaklay. Ining pagbaklay na ini minarepresentar kan satuyang buhay espiritwal. An buhay nyato sa kinaban na ini sarong paglakbay. Bako ini an tunay na eeroakan. Yaon pirmi an tentasyon na kita magbalik sa kaoripnan; an kinatuding gawe nin kasalan. Kun pano nangaipo an mga Israelita kan Manna sa kalangtadan, iyo man dapat an satong pangangaipo sa Eukaristiya. Digdi nagkakaigwang linaw an mga tataramon ni Hesus sa Ebanghelyo: “Ako an tinapay nin buhay, an siisay man na minakakan kan tinapay na ini, magkakaigwang buhay na daing kasagkoran.” Bako ining mga tataramon na daing saysay. Totoong solamente an Eukaristiya sana an mapadanay sato sa pagbaklay. Iyo man ini an maandam sato para buhay na daing kasagkoran. Sarong kakukalapusan mag-isip na madanay kita sa disyerto na daing kakanon. Sa pagpamibi nyato kan Ama niamo, romdomon nyato na an tinapay na hinahagad nyato. Bako lang an nakakapabasog kan satong mga tulak, kundi an tinapay na makakapabasog kan satong mga kalag. “Itao mo samo bako an ordinaryong kakanon Ama, kundi an pambihirang tinapay kan Eukaristiya.” sa sainda. Malinaw an saindang kamawotan. Mawot ninda an kapanuan kan buhay na sinisimbolo kan dagang ipinangako. Alagad, sa tahaw kan saindang kamawotan, asin pinaghalean, yaon an mainit asin makuring disyerto. Sa katahawan iyo an sarong masakit na pagbaklay. Ining pagbaklay na ini minarepresentar kan satuyang buhay espiritwal. An buhay nyato sa kinaban na ini sarong paglakbay. Bako ini an tunay na eeroakan. Yaon pirmi an tentasyon na kita magbalik sa kaoripnan; an kinatuding gawe nin kasalan. Kun pano nangaipo an mga Israelita kan Manna sa kalangtadan, iyo man dapat an satong pangangaipo sa Eukaristiya. Digdi nagkakaigwang linaw an mga tataramon ni Hesus sa Ebanghelyo: “Ako an tinapay nin buhay, an siisay man na minakakan kan tinapay na ini, magkakaigwang buhay na daing kasagkoran.” Bako ining mga tataramon na daing saysay. Totoong solamente an Eukaristiya sana an mapadanay sato sa pagbaklay. Iyo man ini an maandam sato para buhay na daing kasagkoran. Sarong kakukalapusan mag-isip na madanay kita sa disyerto na daing kakanon. Sa pagpamibi nyato kan Ama niamo, romdomon nyato na an tinapay na hinahagad nyato. Bako lang an nakakapabasog kan satong mga tulak, kundi an tinapay na makakapabasog kan satong mga kalag. “Itao mo samo bako an ordinaryong kakanon Ama, kundi an pambihirang tinapay kan Eukaristiya.” — Rev. Fr. Francis A. Tordilla Rektor asin Kura Paroko Santuario asin Parokya ni San Judas Tadeo, Ciudad ni Naga Giya sa Paghorop-horop para sa mga Saradit na Kristianong Komunidad (SKK) Ano an halaga para sako kan pag ako kian Hawak asin Dugo ni Cristo sa Banal na Eucaristia? Magheras nin estorya manunungod sa experiencia nin kabasogan sa kalag huli kan Pagtubod ki Jesus. Kun si Jesus nagpapabasog sa satong kalag bilang Tinapay nin Buhay, pano kita maka pag-tao nin karahayan man sa kapwa asin comunidad? Para i-download an Sambanwá Bicol Missalette para sa Domingong ini: http://tiny.cc/sambanwa061420